Hala’o enkontru ho Diresaun Nacional LEGIS PALOP + Timor-Leste, husi Ministériu da Justiça

Díli, 05 Juñu 2026 – Membru Konsellu Diretivu no kargu Xefias Imprensa Nacional de Timor-Leste (INTL, I.P) lideradu husi Prezidente Dr. Jaime F.M.C.Correia, hala'o enkontru ho Diresaun Nacional LEGIS PALOP + Timopr-Leste, husi Ministériu da Justiça. Enkontru ne’e foka atu kria Diploma Ministérial konjunta kona-ba regulamentu inter unidade Téknika ba organizasaun no Gestaun.

Enkontru Estratejika ne’e hala’o iha Edifisiu Imprensa Nacional de Timor-Leste (INTL,I.P) hodi  diskute  no define planu ligadu ho Diploma Ministérial konjunta. Dokumentu legál ne’e sai nu’udar baze fundamentál hodi regula no hametin organizasaun mos jestaun inter unidade téknika ne’ebe servisu hamutuk iha instituisaun rua nia okos.

Lideransa husi INTL, I.P  no ekipa LEGIS PALOP + Timor-Leste Ministériu Justiça empeña an hodi asegura seguransa parseira ne’e la’o ho diak, tanba plataforma Legis Palop rasik sai  nu’udar baze dadus juridiku ofisiál ne’ebe konserva no fahe informasaun kona-ba Lejizlasaun Timor-Leste.

Esforsu kolaborativu ne’e sei fasilita modernizasaun no garantia katak dokumentu estadu no publikasaun ofisiál sira circula ho kualidade no seguransa máxima imprensa Nacional de Timor-Leste (INTL, I.P).

Media INTL,I.P