Institutu Públiku (INTL, I.P.) halo'ot ema nia ruin pedasuk sira ba iha kaixaun
Edifisiu INTL, I.P., Loron 02 Fulan Abril Tinan 2026
Imprensa Nasional Timor-Leste, Institutu Públiku (INTL, I.P.) halo'ot ema nia ruin pedasuk sira ba iha kaixaun no hetan bensaun husi Nai Lulik molok entrega ba PNTL liu husi Seksaun Forensik hodi halo teste DNA no kontinua prosesu funebre.
Díli, Loron 23 Fulan Abril Tinan 2026 – Membru Konsellu Diretivu INTL, I.P., kompostu husi Dr. Jaime F. M. C. Correia, Presidente; Dr. Pedro Sarmento, Vice-Presidente; no Dr. Marcos António Alves, Vogal, hamutuk ho Kargus Xefe Departamentu sira, Xefe Seksaun sira, Funsionárius INTL, I.P., no Trabalhador sira husi Kompaña Novalo Unip. Lda., ne'ebé responsabiliza ba konstrusaun foun Edifisiu INTL, I.P., halo'ot ema nia ruin pedasuk sira ba iha kaixaun.
Iha seremónia refere ne'e marka mós prezensa husi Pe. Nelson Gonçalves, SDB., ne'ebé prezide misa no fó bensaun ba ema nia ruin pedasuk sira molok entrega ba PNTL liu husi Seksaun Forensik.
Atu fó hatene mós katak ema nia ruin pedasuk sira ne'e hetan iha loron 15 fulan Outobru tinan 2025 iha fatin konstrusaun Edifisiu Foun INTL, I.P., ne'ebé lokaliza iha Kolmera, Díli, bainhira mákina pezadu (excavator) ke'e rai atu halo aliserse ba konstrusaun foun Edifisiu INTL, I.P.
