Ekipa INTL, I.P Entrega Kalendáriu Didin/parede ba Telkomcel

Hafoin prosesu design, preparasaun no imprime durante semana rua, Imprensa Nasional konsege remata produsaun kalendariu didin/parede tuir espesifikasaun ne'ebé konkorda ona ho Telkomcel.

Iha loron entrega, ekipa Imprensa Nasional lori direta rezultadu final kalendariu sira ba Edifisiu Telkomcel iha Timor Plaza, Dili.

Entrega ne'e hahú husi prosesu produsaun ne'ebé hahú husi aprezentasaun amostra, aprovasaun design, to'o ba impressa no finaliza ho entrega ba kliente.

Imprensa Nasional nafatin komprometidu atu fornese servisu impressa ho padraun profissional, tempu entrega pontual no kualidade ne'ebe´ bele responde ba nesesidade empreza, instituisaun no organizasaun sira.